الصورة التقطت بالساحة الخارجية بملعب السد – الدوحه

من زمان وانا افكر اروح لقطر لكن ما كان الدافع القوي اللي يحمسني للروحه خصوصا ً الكل يقول غاليه وغاليه وقطر كدوله يعني ما اعتقد فيها شي زايد عن مدينة الخبر في السعوديه .. صادف في هذا الاسبوع نهائي كاس ولي العهد بقطر وشفنا اعلانات كبيره عن حفل مباراة الختام والاعداد الضخم .. حقيقه قطر عندها طفره في مجال تطوير كرة القدم بشكل خيال وفضلت اني اشوفها عن قرب .. المهم رحت لقطر بالسياره طبعا ً والحمد لله الطريق ما كان بعيد واحس اني وصلت بسرعه بس تأخرت ساعه لاني ضعت بالاحساء هههههه ما عرفت الطريق اللي يوديني على سلوى ولكن من سأل ما ضاع واول ما وصلنا الجمرك السعودي تحس انك بمتاهه لكن سهالات ما في زحمه اكيد سيارتين بس واول ما تخلص الجمرك مسافه تقريبا 5 كيلو وتدخل بجمرك قطر .. يا ناس والله حتى سماهم غير انا يوم شفت الجمرك فكرت اني سفير ههههه ما شاء الله تبارك الله لا نحسدهم .. خلصنا امورنا وسألت الموظفه كم كيلو من الجمرك الى الدوحه والسد بالتحديد قالت 90 كيلو .. وطال عمركم اشوف الخط مزفلت وجديد واربع خطوط واكفخ لك ههههههه طاير .. على طريق ابو سمره لكن لاحظت شي الناس تمشي شوي شوي وش السالفه الا يجي من جمبي لاند كروزر مسرع وامشي وراه يوم قربنا عند لوحه او صندوق شفته ضغط بريك ومشى شوي بعد ما تعداه يدوس بنزين هههههه ويوم بحلقت عيوني الا طلع كاميرا .. يعني انا معدي تقريبا 10 رادارت وخذ لك بالمخالفات والله يستر انا سامع السرعه بـ 6000 .. يعني كم بيطلع لي ؟؟؟ غير كذا داخل المدينه انواع الرادرات وانا مدري يا رب تتسهل وان شاء الله ما شافوني هههههههه . وصلنا الدوحه بخير وسلامه بس عندهم نظام غريب الدوار عليه ثلاث اشارات !! يعني اللي دوامه 7 الصبح يحتاج يطلع من البيت الساعه 5 عشان ما يتأخر من الزحمه … على فكرة لاحظت شي اول ما دخلنا الحدود بدولة قطر في سياره متعطله تتوقعون منو جاء عندها ؟؟؟؟ اممممممم سيارتين شرطه واسعاف وهلكبتر هههههههه واحنا لو تتعطل سيارتك على الخط والله محد يوقف لك . اول شوف سويته لاني كنت عارف بضيع وما راح ادل شي وقفت تكسي كان صاحبه واحد كيني حبوب والله ما قصر خذت رقمه وكل ما بقيت اروح مكان ادق عليه ويجيني واخليه يمشي وانا بسيارتي وراه بس يوم رجعت السعوديه قلت يا اني غبي لو اني راكب معه مو احسن لي كان وفرت بنزين ههههه… انا كل بالي اني لو مشيت وراه بسيارتي بدل الطريق لكن كل شوي اضيع يحتاج لها وقت الدوحه حتى تقدر تثبت بين الشوارع والله وحجزنا لنا في الفندق على الكورنيش وريحنا شوي ودقينا بالكبيسه الطيبه . وبعدين رحنا تمشينا شوي لمن جاء العصر رحنا ملعب السد وكان مسوين مهرجان للنهائي صراحه يفوق الوصف .. ما عليك الا انك تجي الملعب وكل الاعلام والعده حقة فريقك بلاش هههه غير كذا واحد قطري شافني من السعودية شرا لي تذكره وجابها بلاش هههه والله شعب كريم وطيب واخلاقهم عاليه حتى بالتعامل وخفة الدم . برا الملعب في عرض كورة قدم وعرض دراجات والعاب مهاريه ومسابقات … وسجلت فديو لقناة الدوري والكاس .. قلت اسمي ودولتي وكلمه حلوة لقطر بخصوص ادعم ملفها لعام 2022 وعطوني هديه لوووول .. قريب تشوفوني بالتلفزيون ( اخيرا َ بصير مشهور ) هع . انا في قلبي اقول اذا نهائي كاس ولي العهد وحفل كذا بعد اسبوعين بيكون كاس الرئيس وش بيسووون ؟ والسنه الجايه كاس اسيا بقطر كيف بيصير ؟ ولو استضافوا كاس العالم وش تتوقعون بيكون الحفل ؟ صراحه انا اشد اعجابي بدوله قطر كيف قدرت تطور من نفسها ورياضه كرة القدم عندها … تخيلوا يا ناس لمن نروح الملعب عندنا يبيعون بيبسي نصه ماء وفطيره جبن يابسه … بملاعب قطر هارديز وكرسبي كريما وحركات هههههه .. ماقول الا الف شكر على كرمكم يا قطر وان شاء الله لنا زيارة لكم ثانيه بنهائي كاس الامير .

قلم الصحفي قد يكون اكبر من اي سلاح اخر يستطيع الاستيطان ويدمر افكار كثير من الناس ويكون له اثر اكبر من انفجار قنبلة نوويه على ارض خضراء وسماء زرقاء .
نادين البدير صحفيه وتعمل ايضا ً في قناة الحرة الامريكية .. في اول الشهر الحالي اصدرت مقال بأحقيه المرأة بالزواج من اكثر من رجل اي لها نصيب يشابه نصيب الرجل بتعدد الزوجات .. بل أكثر . تابع المقال في جريدة المصري اليوم >> هنا << .
وسرعان ما تم الرد المباشر على ما كتبت . واتا متأكد انها صعقت وراح تغير رايها باقتناعها لكن ما راح توضح هذا الشي امام الناس .

كتب : فؤاد الهاشم – الوطن الكويتيه
الزميلة السعودية «نادين البدير» – وتعمل ايضا في قناة «الحرة» الامريكية – كتبت مقالا في جريدة «المصري اليوم» في عددها الصادر يوم 2009/12/11 تتساءل فيه عن.. «حرمانها من حقها كامرأة في الزواج من اربعة رجال – في وقت واحد – يمكن ان يزدادوا الى سبعة أو ثمانية»!! وتقول – ايضا – ان من يعترض على هذا الامر بحجة ان المرأة تتعب من تلبية احتياجات اربعة – أو خمسة رجال – في وقت واحد، عليه ان يغير فكره هذا لأن البغايا ونساء الليل يفعلن ذلك منذ الازل و.. لا يتعبن»!! المقال طويل وسوف انشره كاملا في وقت لاحق. وقد تسبب في دعاوى قضائية رفعها عليها – وعلى الجريدة الناشرة – محامون في مصر، واود هنا ان اسأل الزميلة العزيزة – وهي بالمناسبة صغيرة وجميلة وذات وزن مثالي – «ماذا لو تزوجتها انا مع الزميل وليد الجاسم والزميل احمد الفهد والشيخ صالح النهام.. مثلا»؟! سوف نجلس – نحن الخمسة – على كوشة واحدة في صالة افراح «المعجل» في الفيحاء لنتلقى التهاني، لكن المشكلة ستبدأ بعد مغادرة المدعوين و«ذهابنا» جميعا الى منزل الزوجية حيث ستنشب معركة بيننا حول من.. يدخل على العروس.. اولا؟! الزميل «أحمد الفهد» هو «سلفي – عفريت» سيقترح العمل بنظام الحروف الأبجدية ولأن اسمه يبدأ بحرف «الألف» فسوف يدخل على «زوجتنا – نادين» اولا، ثم الشيخ صالح بعده، وانا الثالث ليصبح «وليد» هو الاخير! انتهينا من المشكلة الاولى، وستظهر الثانية بعد تسعة اشهر حين تنجب «حرمتنا» مولودا ذكراً، لكن بوجود الفحص الجيني لن يكون صعبا معرفة الوالد الحقيقي، وان كنا لن نحتاج اليه على الاطلاق، بل يكفي التمرس في ملامح الطفل لنعرف والده، فإن جاء «اسمر ويكركر وايد» فهو ابن «أحمد»، وان جاء «ابيض ومتبتب» فهو اما ابني أو ابن وليد، وان كان «ادعم ومدلقم» فهو ابن الشيخ «صالح النهام»!! ثم.. ماذا ستفعل «مرتنا – نادين» في وجبات غدائنا المختلفة؟ فالزميل «أحمد الفهد» يحب الدجاج الإسلامي «أبو تسعمائة غرام»، وأنا أحب المأكولات البحرية، ووليد الجاسم يعشق «ضلع الخروف المشوي مع الروب»، والشيخ صالح يحب «المطازيز» فكيف ستتفرغ لاطعام اربعة رجال اوزانهم – مجتمعين – اكثر من نصف.. طن؟! وماذا لو حصلت على بعثة دراسية للخارج، فهل سأصطحب «زوجتي – نادين» مع ازواجها الثلاثة.. الآخرين؟! على أي حال، فأنا احذر الزميلة «نادين» من ان فكرتها هذه – لو تحققت – وتزوجت من مجموعة رجال – دفعة واحدة – فسوف ينتهي تاريخ صلاحيتها خلال ستة اشهر فقط ولا تعود «صالحة للاستهلاك الآدمي»، وقد تأتيها جرافات فريق الإزالة وتأخذها إلى مكان.. بعيد!!

بقيت أيام قليلة وتنتهي السنة بحلوها ومرها.. وتبدأ سنة جديدة ,….

حقاً اتمنى للجميع دوام الصحة والعافية لطالما أردنا التصافي والتسامح مع بعضنا البعض اذاً سوف أبدأ فرصتي واتمنى من الجميع السماح وأعتذر للجميع عن ماصدر مني من أخطاء أو تقصير في حقهم او زعلتهم .. اتمنا حقاً ان نبقى متسامحين واصدقاء واحباء وعائلة معاً .. بجميع لغات العالم أقول لكم سامحوني.
وكل عام وانتم بخير