وجدت بعض الهوايات اللي قد تكون شاذه ( لا تشغل حيز فكري ) في طور مجتمعنا او طبيعه الحياة والمنطقه اللي نعيش فيها لكن صارت المسألة روتينيه البعض يعتبر هوايته اسلوب لوصف نفسه والبعض الاخر يبي يمشي ورا الموكب ويقول ان عندي هوايات طيب يا حبيبي فكر شوي واعرف انت شنو تحب وبعدين مارس هوايتك السريه اقصد الشخصيه بطريقة احترافيه حتى يكون لها لمستك الخاصه.
انا مدري ليه فجأه الناس صارت كلها تحب تصوّر ! في اخبار عن انخفاض اسعار الكاميرات الاحترافيه مثلا ً ؟ او شنو اسباب هاذي الهوايه الفجأه ! لا شك انه الفراغ ونسبه العاطلين او الغير مقتنعين بوضعهم الحالي كثير .. قال خلني اجرب اصور وامارس هوايه طيب في هوايه ثانيه قرائه الكتب ما فكرت فيها ؟ ما فكرت تقرأ في كتب التصوير وعلوم التصوير والسينما كذا يمكن تطور نفسك لان بصراحه الصور اللي نشوفها لوعه حدها ولا فيها شي مميز شوهتوا شي اسمه تصوير وفن التصوير وبعدين انت وياه وانتي بعد مو بس بو سروال وفنيله .. شايفين مناظر حلوة عندنا ؟ كل يوم طاقنا غبار وحالتنا لله وانتوا مبسوطين كل واحد ماشي بكاميرته بجمع
وصار حالها من حال الجوال .. والبعض يعتبرها موديل مطقم مع اللبس الوان وحركات . طبعا لا هي هوايه ولا شي هي فراغ والنص الثاني
يعتبرها اسلوب جديد للترقيم ( يا ولد يا كووول ).. يعني انا المصوّر وانا الهاوي وعندي فكر وذوق . استريح بو الشباب.
يا رب كل من عنده كاميرا ويمشي فيها بالمجمعات تطيح وما تنكسر بس يصير لها فورمات وتنمسح كل الصور الــــــــــــــــ ( مو حلوة ).
ملاحظه : هذه الدعوه لا تشمل كاميرتي هع .
